منو ماتشي
من بغداد، وبألوان تشبهك
ماتشي.. عراقية بالبداية، وطموحها للعالم.
إحنا ماتشي، علامة تجارية عراقية للملابس والموضة، مقرّنا بغداد. نؤمن إن التفاصيل الصغيرة تكدر تحچي عن شخصيتك، وإن اللون مو بس إضافة للّبس؛ هو جزء من أسلوبك.
ليش بدينا بالجواريب؟
بدينا بقطعة موجودة بكل دولاب، بس هواي مرات ما ننطيها اهتمام: الجواريب. حبّينا نحوّلها من تفصيل عادي إلى قطعة تحب تبينها؛ بألوان جريئة وتصاميم تعبّر عنك.
شنو يميّز روح ماتشي؟
ألوان إلها شخصية
الألوان هي نقطة البداية بتصاميمنا، مو آخر إضافة.
براند عراقي، إلك
نريد نبني علامة يحس بيها الزبون العراقي إنها قريبة منه وتعبّر عن ذوقه.
قريبين منكم
نتواصل وياكم مباشرة من خلال متجرنا والسوشال ميديا، وآراؤكم تساعدنا نطوّر ماتشي خطوة بخطوة.
الجواريب هي البداية، مو النهاية
إحنا بعدنا ببداية المشوار. طموحنا نتوسّع من الجواريب إلى عالم أوسع من الملابس، ونوصل بروح ماتشي وألوانها من بغداد إلى المنطقة، وبعدين للعالم.
هذا طموحنا للمستقبل، ونبنيه خطوة بخطوة وياكم.
شوف تشكيلة ماتشيتواصل ويانا
بغداد، العراق